புதிய படங்கள் திரையரங்குகளுக்கு வரும்போது இருக்க கூடிய எதிர்பார்ப்பு ஓடிடியில் வெளியாகும் போதும் சினிமா ரசிகர்களுக்கு இருக்கிறது. அந்த வகையில் இந்த வாரம் ஓடிடியில் வெளியாகும் சூப்பர் ஹிட் படங்கள் என்ன என்பதை பார்ப்போம்.
இயக்குனர் ஞானவேல் இயக்கத்தில் ரஜினிகாந்த், அமிதாப் பச்சன், பகத் பாசில் உள்ளிட்ட பலர் நடித்துள்ள படம் வேட்டையன். இந்த திரைப்படம் கடந்த மாதம் 10 ஆம் தேதி வெளியாகி நல்ல வரவேற்பை பெற்றது. இந்த படம் நாளை (8ம் தேதி) அமேசான் ஓடிடி தளத்தில் வெளியாகிறது.
கொரட்டலா சிவா இயக்கத்தில் ஜூனியர் என்.டி.ஆர் நடிப்பில் உருவான படம் தேவரா. ஜூனியர் என்டிஆரின் 30-வது படமான ‘தேவரா’ கடந்த செப்டம்பர் மாதம் 27-ந் தேதி திரையரங்குகளில் வெளியானது. இப்படம் உலகம் முழுவதும் ரூ. 500 கோடிக்கும் மேல் வசூலித்துள்ளதாக அறிவிக்கப்பட்டது. இந்த படம் நாளை (8ம் தேதி) நெட்ஃப்ளிக்ஸ் தளத்தில் வெளியாகிறது.
மலையாள ஹீரோ டோவினோ தாமஸ் நடித்துள்ள ‘ஏஆர்எம்’ திரைப்படம் நாளை OTTயில் வெளியாகவுள்ளது. இந்தப் படம் பிரபல OTT நிறுவனமான டிஸ்னி பிளஸ் ஹாட்ஸ்டாரில் வெளியாகிறது.