ராஜ்குமார் பெரியசாமி இயக்கத்தில் சிவகார்த்திகேயன் நடித்துள்ள ‘அமரன்’ திரைப்படம் நேற்று உலகம் முழுவதும் ரிலீஸ் செய்யப்பட்டது. இதில் சிவகார்த்திகேயன், மேஜர் முகுந்த் வரதராஜன் என்ற கதாபாத்திரத்தில் நடித்துள்ளார். மேலும் அவருக்கு ஜோடியாகசாய்பல்லவி இந்து ரெபேக்கா வர்கீஸ் என்ற கதாபாத்திரத்தில் நடித்துள்ளார்.
நேற்று வெளியான இப்படத்திற்கு ரசிகர்களிடையே நல்ல வரவேற்பு கிடைத்துள்ளது. இந்நிலையில், படத்தின் முதல் நாள் வசூல் தொடர்பான தகவல்கள் வெளியாகியுள்ளன.
அதன்படி, இப்படம் தமிழகத்தில் மட்டும் ரூ.15 கோடி வசூல் செய்துள்ளது. இந்திய அளவில், ரூ.21.25 கோடி வசூல் செய்துள்ளது. வரும் நாட்களில் மேலும் நல்ல வசூல் கிடைக்கும் என எதிர்பார்க்கப்படுகிறது.