பிரபல நடிகர் டெல்லி கணேஷ் காலமானார்

தமிழ் சினிமாவின் பிரபலமான நடிகர்களில் ஒருவரான டெல்லி கணேஷ் வயது முதிர்வு மற்றும் உடல்நலக்குறைவால் காலமானார். அவருக்கு வயது 80.

சென்னை ராமபுரம் செந்தமிழ் நகரில் உள்ள அவரது இல்லத்தில் நேற்று இரவு 11.30 மணியளவில் உயிர் பிரிந்தது. டெல்லி கணேஷின் உடலுக்கு அவரது ரசிகர்களும் திரையுலகினரும் அஞ்சலி செலுத்தி வருகிறார்கள்.

1944 ஆம் ஆண்டு நெல்லையில் பிறந்த டெல்லி கணேஷ் சுமார் 400 க்கும் மேற்பட்ட படங்களில் நடித்துள்ளார். டெல்லி கணேஷ் படங்களில் நடிப்பதற்கு முன் 1964 முதல் 1974 வரை இந்திய வான்படையில் பணியாற்றினார்.

குணச்சித்திர வேடங்களில் மட்டும் இன்றி நகைச்சுவை கதாபாத்திரங்களில் சிறப்பாக நடித்து தனி முத்திரை பதித்தவர் டெல்லி கணேஷ்.

தமிழில் மட்டும் இன்றி தெலுங்கு, மலையாளம் உள்ளிட்ட மொழி படங்களிலும் டெல்லி கணேஷ் நடித்துள்ளார். மேலும் தொலைக்காட்சி தொடர்களிலும் டெல்லி கணேஷ் நடித்துள்ளார்.